በእርግዝና ወቅት ማቅለሽለሽና ማስታወክ

አንዳንድ ጊዜ በእርግዝና ወቅት ማቅለሽለሽና ማስታወክ “የጠዋት ህመም” ተብለው ቢጠሩም በቀን ውስጥ በማንኛውም ሰአት ሊፈጠሩ ይችላሉ። ጠዋት ብቻ የሚሰቃዩ ሴቶች ቢኖሩም ቀንና ማታም የሚሰቃዩ ሴቶችም አሉ።

70%-85% እርጉዝ ሴቶችን ሊያጋጥም የሚችል በጣም የተለመደ ሁኔታ ነው።

ማቅለሽለሽና ማስታወክ የተለያዩ ሴቶችን በተለያየ መንገድ ሊጎዳ ይችላል፦ ለአንዳንዶቹ ምልክቱ ቀለል ያለ ሲሆን ሌሎች ደግሞ በብዙ የማቅለሽለሽና ማስታወክ ድርጊቶችና ተከትሎ በሚፈጠረው ከባድ የምቾት ማጣት ሊሰቃዩ ይችላሉ።

27975570_s

የማቅለሽለሽና ማስታወክ ምልክት ብዙ ግዜ ከ4 እስከ 9 ሳምንት መካከል ባለው የእርግዝና ጊዜ ይጀምራል። ብዙ ግዜ ሁኔታው ከባድ ደረጃ ላይ የሚደርሰው ከ7 እስከ 12 ሳምንት መካከል ነው። ለብዙ ሴቶች ሁኔታው እየተሻሻለና የጠዋት ህመሙም እየጠፋ የሚመጣው ከ12 እስከ 16 ሳምንት መካከል ነው። ከሴቶች መካከል ጥቂቶቹ በእርግዝና ወቅት ማቅለሽለሽና ማስታወክ ለብዙ ሳምንታት ወይም ወራት ሲቆይባቸው ጥቂቶቹ ደግሞ በሙሉ የእርግዝናው ወቅት ይታገሉታል።

ከፍተኛ ደረጃ ላይ የደረሰው “የጠዋት ህመም” ሁኔታ ምልክት ሀይፐርሚስስ ግራቪዳረም ይባላል። ይህ ሁኔታ በ2% እርጉዝ ሴቶች ላይ ይከሰታል። በማቅለሽለሽና በማያቋርጥ እንዲሁም በተከታታይ ማስታወክ ይገለጻል። ይህ ክብደት መቀነስና ፈሳሽ ማነስን ስለሚያስከትል ለእናትየዋ እንዲሁም ለጽንሱ በጣም አደገኛ ነው። በዚህ የህክምና ሁኔታ የሚሰቃዩ ሴቶች በደም ስር ውስጥ የሚገባ ፈሳሾችንና መድሀኒቶችን ጨምሮ ህክምና እንዲያገኙ ብዙ ግዜ ወደ ሆሰፒታል ይላካሉ። በአብዛኛው ሆስፒታል ይገቡና በህክምና ባለሙያ ቁጥጥር ስር ሆስፒታሉ ውስጥ ይቆያሉ።

በአብዛኛው በእርግዝና ወቅት ማቅለሽለሽና ማስታወክ ከእርግዝናው 10ኛ ሳምንት በፊት ይጀምራል። በ10ኛው ሳምንት ወይም በኋላ ከጀመሩ ወይም ማቅለሽለሽና ማስታወክ ጋብ ካለ በኋላ በድጋሚ ከመጣ የማቅለሽለሽና ማስታወክ ምልክቶቹ ሌላ ምንጭ ሊኖራቸው ስለሚችል የሚከታተልዎትን የማህጸን ሀኪም ማማከር አስፈላጊ ነው።